"ይህ ዓለም መድረክ ነው፤ ገብተህ ትሰራበታለህ፣ አይተህ ትማርበታለህ፣ ወጥተህ ትሄዳለህ። ስለዚህ ጥበበኛ የሆንክ አንተ በተሰጠህ ጊዜ መልካሙን ስራ።"

— ቅዱስ_ያዕቆብ_ዘሥሩግ

"በሃይማኖት ጸንቶ መኖር ማለት በፈተናዎች መሃል እግዚአብሔርን አምኖ ተስፋ አለመቁረጥ ነው።"

— አባ ጊዮርጊስ ዘጋስጫ

"ሰማይ ታላቅ ነው ቢሉ ከአንቺ ጋር አይስተካከልም፤ ሰማይና ምድርን የሞላው በማሕፀንሽ ሞልቶአልና፡፡ ሰዎች ከአንቺ ይልቅ ምድርን ታላቅ ናት ቢሉኝ ምድርማ የእግሩ መረገጫ ብቻ ናት እላቸዋለሁ። የኖኅ መርከብ ነሽ ይሉሻል፤ የኖኅ መርከብ ግን ያዳነችው ኖኅንና ቤተሰቦቹን ነው። በአንቺ ግን ዓለም ዳነ። ታቦት ነሽ ይሉሻል ታቦቱ የያዘው በእግዚአብሔር ጣቶች የተጻፉ ሁለት ጽላትን ነበር፡፡ አንቺ ግን የዓለማትን ጌታ በኃይሉ ቃል ፀነስሽው!"

— ቅዱስ ዲሜጥሮስ

"ትምህርተ ሃይማኖት ለአእምሮ ብርሃን፣ ለነፍስ መዳን፣ ለስጋ ደግሞ የስነ-ምግባር መመሪያ ነው።"

— ቅዱስ ቄስ ቄርሎስ

"መታዘዝ መታዘዝን ይጠራዋል፡፡ አንድ ሰው ለእግዚአብሄር ሲታዘዝ እግዚአብሄር ደግሞ ልመናውን ይሰማዋል።"

— አባ ሚናስ

"የተስፋ ቅድስናን በምታድለን በእግዚአብሔር እናት በድንግል ማርያም _ ላይ እምነት ይኑራችሁ:: አማላጅነቷ በራሷ ቅድስና የተጠናከረ ስለሆነ ወደ ለእርሷ የምናቀርበው ጸሎት ፈጽሞ ያለ ዋጋ አይቀርም፡፡ በጸሎቷ አማካይነት ለኃጢአቶቻችን ምሕረትና ይቅርታ እናገኛለን፤ድኅነታችንንም እናረጋግጣለን፡፡ የምንባረከውም በጤና፣ በሀብት፣ በጥበቃና በክፉ ቀን ከጥፋት በመጋረድ ነው፡፡"

— አባ ክሮስታድ